Kagiira Skills Development Center, Agriculture With New SkillsBaguma Gaston: Omuntu w'Abantu
Baguma Gaston, School Badge, AMDA Speech na abeegi ba Boston High School, Mpala
Nekya Boston High School whatsapp channel and Facebook Page
985
Orwakabiri 2026-10-06
Obwo eishomero rya Boston High School, Mpala, ririyo niryetebekanisa okuzaguza emyaka 20 ririkuhereza obwegyese burungi omw'ihanga ryaitu rya Uganda kandi erikugyezaho okutungura eby'etaranta z'abeegi ba Uganda.
Okuzaguza oku nikuza kubaaho orwakana rwa wiiki egi ebiiro 08/10/2026 kutandika na shaaha eibiiri za akasheshe ahamwanya gw'ishomero.
Agoweitu twakuretera omushaija emanzi, enkwatabuta kandi omushaija okutiina Ruhanga, Owekitinisa Baguma Gaston, owatandikireho eishomero erya Boston High School, Mpala, Entebbe, Wakiso eririyo nirikora eby'aani omu Uganda na aheru y'eihanga omuri egi emyaaka makubi abiiri (20)
Baguma Gaston n'omushaija omwekambi, orukukunda eby'obwegyese, eby'etunguka, eby'emizano n'eby'ediini.
Omukutandikaho eishomero eri, akaba aine ekikyendererwa ky'okureeba abaana batunga obwegyese burungi oburi aha mutindo gw'ahaiguru munonga kandi bakusingira ahaiguru.
Baguma Gaston n'omushomesa omukungu.
Ashomise abeeji baingi, kandi abarugiiremu abantu b'omugasho omwihanga ryeitu rya Uganda na aheru ya Uganda.
Ahutukugambira hati, abo beegi abuyashomise twiinemu abashaho, ba inginiya, na abateezi ba purani z'amaaju gaitu, abanyadiini, abakozi ba gavumenti, abachoodoza omuza rishaki, abashomesa, abashubuzi, nabandi abantu ab'ebitinisa omwihanga.
Gaston n'omwebembezi ahereize eihanga rya Uganda aha mitendera etari emwe n'emwe.
Okukumurikiraho ebikye omu buhereza bwe nka omwebembezi n'ebi;
* Akaherezaho emyaka mingi nka omwebembezi w'ekibiina kya NRM ekyarwagisiriza omu disiturikiti ya Ibanda.
* Akaherezaho omu kitongore ky'abiiruki omu Uganda.
* Akoziire nka omwebembezi omu disiturikiti ya Wakiso, namunonga omu by'obwegyese n'endijo myooga mingi ekiresire abantu b'eihanga okugasiirwamu.
* Kandi n'umwe aha bantu abatandikireho eishomero ry'amaani omuri Zaana, Kampala eririkumanywa nka Standard High School, Zaana.
Omushaija ogu ahangireho emirimo myingyi omu mashomero ge, kandi nakunda kuha abakozi be ekitinisa.
Omu kuhereza emirimo takushoshora mumadini nanga omuganda; abaami n'abakyara boona nabaha emirimo kandi nabinganisiza.
Takukora ekyo kyonka, kureka nayongyera abatungura kurabeera omu bigombe by'okwetungura nka okutaho eshaaho y'esente z'okwetungura sako (SACCO) y'abashomesa n'abantu abakuyamba eishomero kugyenda omu maisho. Ekyo nikyoreka ngu nayenda omukozi we atungukye kandi ayongyere aha bukungu bwe.
Baguma Gaston n'omushaija orukukunda ediini kandi natamu eifubo amadiini goona.
Ebiiro bihingwire, akikiriza eishomero rye kwebembera ekitambiro kya miisa eky'ekigombe kya AMDA omuri Kampala.
Omu eishomero, akombekyera abeegi ahubakushabiira buri Saande, kandi n'abeegi abandi nka Abasiraamu akabarondera akubashabiisa buri rwakataano.
Baguma Gaston na tiimu ye eya Boodi ya ba Dayireketa na ba gavanazi, nibatamu esente omu by'emizano, omu by'obwebembezi, omubya emicwe, omukumanyisa eishomero abantu kandi na n'omu tekinorogiya.
Twaba nitugamba ebi, nitureeba ngu Boston High School, Mpala niyo ekirizeyo kuhangura ebikopo omu by'emizano omu disiturikiti ya Wakiso, kandi Boston High School, Mpala nka eishomero nirikira kuzaana emizano etari emwe nemwe aha mutendera gwa eihanga ryoona.
Abeegi ba Boston High School, Mpala nibakira kuhangura omu by'obwebembezi na munonga omu kigombe ky'okugaita abebembezi ba amashomero ga eihanga erya Uganda ekya UNSA.
Eishomero rya Boston High School Mpala, riine ekyombeko eky'omurembe eky'okushemerwamu, kompyuta kandi ekiine omutindo murungi gwa intaneti.
Buri mwaka, Dayirekita Baguma nahereza kaadi z'obuhanguzi omu beegi ba P.7 omu ihanga ryona, kandi ahereza abazaire karenda ezomwaka musya obwo akubateekateekaho.
Baguma Gaston n'omushaija aine amaka kandi omukyara we n'omuntu orukunda abantu kandi oyambireho ekintu kihango omu kutungura eishomero rya Boston High School, Mpala.
Baguma n'enzarwa ya Bisheshe Divijoni omuri Ibanda Munisiparite, Ibanda Disiturikiti.
Omu mwaka gwa 2001, akesimbaho ahabwa Memba bwa Paramenti aha mwanya gw'omunyishengyero w'amateemba ga Ibanda (Ibanda North).
Baguma Gaston na Boston High School, Mpala, nibabeeta narukundo mpango omu kushaguza emyaka 20 ey'obuhanguzi n'etunguka y'abeegi, abashomesa n'abazaire.
Okushaguza emyaka 20 nikwija kubaaho ebiro 08/10/2026 kutandika shaaha (8:00 am) z'akasheshani, n'ekitambo kya miisa ekirikuza kwebemberwa Ishe-abariisa w'itware rya Kampala, Akibishopu Paul Ssemwogerere.
Ebindi ebyakorire eishomero birimu; okwombeka ekizimbi ekyomurembe ekyakanyina ekiribakushomesezamu abeegi amashomo ga sayansi nana ebyemyoga, okwombeka oburaro bwa abeegi obwa omutindo kandi n'okutamu ebitanda birungi. Eishomero riine ekizimbi kya abeegi kutungiramu kya mishaana.
Eishomero rya Boston High School, Mpala riine enkoragana nungi na abaturagye ba omwanya gwa Mpala, Entebbe na Wakiso.
Eishomero niryejumbira omu puroguramu za gavumenta nka okukuma obuyonjo omumyanya yabo namunonga omukicweka bya Mpala buri rwa mukaga orukuhendera okwezi.
Eishomero akarigurira emootoka eyomurembe erikutambuza abeegi baba nibaza okurambura, okuzana emizano nendijo emirimo ya eishomero.
Abeegi nibakiira kuhaya hayana omumpaka ezebyenzarwa, okweshongora na nokuziina.
Eishomero niryakiira abeegi boona kuruga omushoonda za Uganda na naheru ya Uganda namunonga Kenya, Tanzania, South Sudan, Congo, Rwanda, na Burundi.
Huumura Tuganiire
Abakatoriki (3) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (5) Amaka (5) Amakuru (560) America (1) Ebaruha (8) Ebirango (9) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (5) Okwiruka (2) Omuntu Waawe (14) Omupiira (43) Omushaho (1) Puriyamare (2) Ruhuuta (18) Senyiga Ya Corona (29)