Kagiira Skills Development Center, Agriculture With New SkillsOmushaija ayiita omweshongozi Matovu y'akwatwa
Abantu abakwatwa porisi na kiifa Moses Matovu owa Afrigo Band
Nekya Uganda Police Force na Facebook
1094
Orwakana 2026-09-24
Omuntu orikuteekateekwaho kuba niiwe yiita omweshongozi wa Afrigo Band Matovu Moses yakwatwa.
Orikuteekateekwaho akumanywa nka Nsamba Vincent, ow'emyaka 41, y'akwatwa bwanyima y'okucondooza aha mbeera ezaba ziri enyima y'okufa kw'omweshongozi.
Nsamba y'akwatirwa omuri Ochange Ward, Yesu Amala, Nansana division, omu disiturikiti ya Wakiso.
Okucondooza aha bwisi kuriyo nikugyenda omu maisho, kandi poriisi eriyo neekora kumanya enshonga ezaba ziri enyima y'ekyabaho omukashashe kahati.
SP Kawala Racheal, omugambirizi wa Kampala Metropolitan Police, yashoheza ekihandiko eki omukasheshe kahati;
"Nitwenda kuheereza okuhindurwamu aha kwitwa okurikuteekateekwaho okwa Matovu Moses, omweshongozi wa Afrigo Band, okwabaho eriizooba, 24 September, 2026, aha Kibuli Depot omuri Makindye division, omu disiturikiti ya Kampala.
Okucondooza okw'okubanza nikworeka ngu aha shaaha nka 5:30 ez'akasheeshe, omufu yaza omu maka ga omukundwa we. Nikigambwa ngu obu we na omukazi obu baba nibaruga omu maka, bashangana n'omushaija orikuteekateekwaho kuba niwe abaire ari omu rukundo na omukazi ogwo.
Bwanyima y'okukwatwa kw'omukazi owaba ari hamwe n'omufu, amakuru ag'okubanza nigoreka ngu ekikorwa nikibaasa kuba kyaretaho entongane z'omubiri. Kwonka, enshonga zenyine ezaba ziri enyima y'okutangatangana hamwe n'okufa nikyo kitakahamibwe omu bwijwire.
Omufu y'atunga obuhuta bw'amaani kandi yatwarwa omu irwariro rya Kibuli n'omuvugi wa boda boda, ahu bwanyima y'afeera ahabw'obuhuta bwamani obuyatunga.
Omukazi orikuteekateekwaho akiri omu kihome kya poriisi kandi ariyo naahwera abakyondoozi obwo okucondooza kurikugyenda omu maisho. Omushaija orikuteekateekwaho y'amanywa kurungi kandi naateekateekwaho kuba yaahungiire aha mwanya.
Poriisi eriyo neegyezaho kumukwata kandi neehwera omu kumanya enshonga zoona ezaba ziri enyima y'ekyabaho.
Abakyondoozi nibagumizamu kuhamya ebiroorezo bitari bimwe na bimwe ebyaba biri enyima y'ekyabaho, kandi okuhindurwamu okundi nikwija kuheebwa obu amakuru agarikukiraho garatungwe.
Nitweta abantu boona kuguma baine obucureera kandi barekye abakyondoozi kukora omurimo gwabo hatariho kutaateganisibwa.
Nitworeka abantu ngu emitendera yoona erikwetengwa eriyo neetwarwa kukwata omuteekateekwaho kandi kumanya amazima g'enshonga.
Nitworeka okushaba kw'amaani okw'okusaasibwa aha ka, abanywani, abakazi hamwe n'abahagizi ba Matovu Moses omu bwire obu bugumire."
Agatakahamibwe agandi nigoreka ngu;
Mose Matovu tiyitwa omu bugyendererwa - nikwo omukundwa we Rose y'agamba.
Okurugiirira aha kihandiiko ekyashohozibwa ekikuruga aha mukundwahwe we Rose Tumusiime, we na Matovu bagaruka omu kishengye kye aha shaaha munaana ez'ekiro kandi baaguma mu kuhisya aha shaaha ikumi n'emwe ez'akasheeshe, obu owabaireho omukundwa wa Rose yaatera koodi aha rwigi.
Tumusiime y'agira ngu y'ayanga kwigura orwigi, ekyaretetera omushaija kutabuka.
Y'agira ngu yaagyezaho kushenya orwigi kandi y'ahenda edirisa.
Bwanyima y'okuhenda edirisa, omushaija nikigambwa ngu yareeba Matovu omu kishengye. Nikwo Tumusiime kumugambira ngu omushaija yaba ari ishe, kwonka omushaija yayanga okushoborora okwo.
Tusiime yaha omufu ekikopo ky'amaizi kandi yaamutwara omu motoka ye aha ruguuto, kwonka omushaija akuteekateekwaho yaatandika kutera Tusiime.
Matovu y'aruga omu motoka yaagyezaho kutaaha omushonga, arikubuuza ahabwenki omukazi y'aba naateerwa, omushaija akamuhindukira kandi akatandika kumuteera entomi ezamwiha omumagara g'ensi egi.
Huumura Tuganiire
Abakatoriki (3) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (5) Amaka (5) Amakuru (560) America (1) Ebaruha (8) Ebirango (9) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (5) Okwiruka (2) Omuntu Waawe (14) Omupiira (43) Omushaho (1) Puriyamare (2) Ruhuuta (18) Senyiga Ya Corona (29)