Kagiira Skills Development Center, Agriculture With New SkillsAbantu 1,000,000 bareebire Paapa
Papa Leo
Nekya BBC
408
Saande 2026-06-07
Abantu 1,000,000 bareebire Paapa
_Nekya BBC_
Abantu abarikurenga akakaikuru kamwe bateire enyiriri aha nguuto za Madrid aha sande obu Paapa Leo XIV akozire misa omu mwanya ogurikworeka abantu boona omu rurembo rukuru rwa Spain, Vatican nikw'egizire.
Abantu nyamwingyi bejire omu rurembo obu Paapa aizire aha kushaba aha izooba rya kabiri ry'okutaayaaya kwe omu bwijwiire omu ihanga aha mwaanya ogurikweetwa Plaza de Cibeles, hamwe na Omugabe Felipe VI na Omugabekazi Letizia omu bantu abaizire aha kushaba.
Omugabe hamwe na nomugsbekazi ba Spain batangiriire Paapa omu kikaari ky'obugabe aha rwamukaaga, obu atandikire orugyendo rwe arikusiima gavumenti ya Spain ahabw'okuhakanisa entaro z'ensi yoona hamwe n'okushagika abafuruki.
Paapa ahubeire abantu omukono obu abaire naagyenda gyenda omu rurembo aha ntandikwa ya sande, ahu ab'obushoborozi baataireho enteekateeka y'eby'okwerinda ey'amaani ahabw'okushaba hamwe n'orugyendo orwakuratsireho kurabira omu rurembo rwa Madrid.
Abantu bahubire ebendera zaabo kandi barangirira ngu Paapa agumeho, kandi abamwe bumushuka ebimuri obu ahikire aha kibangirizi.
Abantu baingi bateeranire omu rurembo obu atandikire orugyendo rwe aha rwamukaaga. Bwanyima agaitsirweho abantu 500,000 abaabaire bateeranire hamwe - abaingi babeire bari eminyeeto - aha ruteerane rw'okushaba haihi n'ekishaahi kya Santiago Bernabeu ekya Real Madrid ekyibaire kiri haihi kuhika omu kiro.
Paapa agyizire ati:- "Omu maisho g'obutaine mugasho bw'okwanga kuhurikiza n'okworobera, omu maisho g'obushaarizi bw'orutaro n'ebishuba, oine kuba obuheta bw'abantu basya," - nikwo agambiire abo abaabaire bateeranire hamwe.
Ebigambo bye bibeire nibihikaana n'ebyo ebi yaagambire obu yaabaire naakiirwa omu bwijwiire, ahu asiimire Spain ahabw'okwehayo ahabw'obusingye hamwe n'okuguma bahamiire aha biragiro by'amahanga goona".
Minisita mukuru wa Spain Pedro Sánchez aherize kurwanagana na purezidenti wa Amerika Donald Trump ahabw'orutaro rwa Amerika na Israel kurwanisa Iran, hamwe na Israel ahabw'orutaro omuri Gaza. Paapa orikuzaarwa Chicago abeire aherize kujumirirwa kuruga owa purezidenti wa Amerika Donald Trump ahabw'ebiteekateeko bye eby'okurwanisa entaro.
Oruramburo rwe omuri Spain - oruramburo rw'okubanza orw'omwebembezi w'ediini omu myaka 15 - nirwija kuba rurimu okugamba kutakabahoga omu ishengyero rya Spain, nanokubugana abu eklezia kotoriki eshobeize omu nshonga z'okwegeita.
Paapa Leo naija kutaayaayira ebizinga bya Canary hamwe na Minisita omukuru Sánchez ahamuheru gwa wiiki, ahu barikuza kuheereza ekitinisa enkumi n'enkumi z'abafuruki abafiire barikugyezaho kuhika omuri Buraaya.
Huumura Tuganiire
Abakatoriki (3) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (5) Amaka (5) Amakuru (551) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (13) Omupiira (43) Omushaho (1) Puriyamare (2) Ruhuuta (18) Senyiga Ya Corona (29)